Հանրամատչելի տեղեկատվություն

«Ստանդարտացման և չափագիտության ազգային մարմին» ՓԲԸ Արտադրանքի և ծառայությունների սերտիֆիկացման մարմնի գործունեության վերաբերյալ

«Ստանդարտացման և չափագիտության ազգային մարմին» ՓԲԸ Արտադրանքի և ծառայությունների սերտիֆիկացման մարմնի գործունեությունը համապատասխանում է ՀՍՏ ԻՍՕ/ԻԷԿ 17065 «Համապատասխանության գնահատում. Արտադրանքի, գործընթացների և ծառայությունների սերտիֆիկացման մարմիններին ներկայացվող պահանջներ», ՀՍՏ ԻՍՕ/ԻԷԿ 17067 «Համապատասխանության գնահատում. Արտադրանքի սերտիֆիկացման հիմնարար դրույթներ և արտադրանքի սերտիֆիկացման սխեմաների ուղեցույց», ՀՍՏ 5.3 «Համապատասխանության հավաստման համակարգ. Արտադրանքի սերտիֆիկացում», «ՀՍՏ 5.10 Համապատասխանության հավաստման համակարգ. Համապատաս­խանության հայտարարագրի ներկայացում, վավերացում և գրանցում», ՀՍՏ 5.9 «Համապատասխանության հավաստման համակարգ. Ծառայությունների սերտիֆիկացում» ստանդարտներին,  Համապատասխանության գնահատման կարգին /սերտիֆիկացում և հայտարարագրում/, ԵԱՏՄ և ՀՀ կառավարության որոշմամբ ընդունված տեխնիկական կանոնակարգերին։

Արտադրանքի պարտադիր սերտիֆիկացումն իրականացվում է՝ ըստ տվյալ արտադրանքի կամ արտադրանքի խմբերի վրա տարածվող Եվրասիական տնտեսական միության և ՀՀ ազգային տեխնիկական կանոնակարգերով։

Արտադրանքի կամավոր սերտիֆիկացումն իրականացվում է հայտատուի նախաձեռնությամբ՝ նրա կողմից որոշվող նորմատիվ և (կամ) տեխնիկական փաստաթղթերի (ստանդարտների, տեխնիկական պայմանների, բաղադրագրերի և այլ փաստաթղթերի), ինչպես նաև մատակարարի և պատվիրատուի միջև կնքված պայմանագրի պահանջներին և սահմանված ընթացակարգերին համապատասխան:

Արտադրանքի պարտադիր սերտիֆիկացման ժամանակ սերտիֆիկացման մարմինը կիրառում է Եվրասիական տնտեսական միության օրենսդրությամբ  ամրագրված սերտիֆիկացման սխեմաներից որևէ մեկը, որը սահմանված է տվյալ արտադրանքի կամ արտադրանքի խմբերի վրա տարածվող Եվրասիական տնտեսական միության տեխնիկական կանոնակարգով:

Արտադրանքի պարտադիր սերտիֆիկացման ժամանակ սերտիֆիկացման մարմինը կիրառում է նաև ՀՀ օրենսդրությամբ սահմանված սերտիֆիկացման ընթացակարգերից որևէ մեկը, որը սահմանված է տվյալ արտադրանքի կամ արտադրանքի խմբերի վրա տարածվող Հայաստանի Հանրապետության տեխնիկական կանոնակարգով:

Արտադրանքի կամավոր սերտիֆիկացման ժամանակ սերտիֆիկացման մարմինը կիրառում է իր կողմից մշակված և հայտատուի հետ համաձայնեցված սխեմաները՝ ըստ ՀՍՏ 17067 ստանդարտի պահանջների:

Սերտիֆիկացման և հայտարարագրման աշխատանքների վճարումը կատարվում է ըստ սերտֆիկացման մարմնի կողմից հաստատված գնացուցակի (սակագնի):

Համապատասխանության գնահատման ժամանակ /սերտիֆիկացում, հայտարարագրում/ սերտիֆիկացման մարմնի և  հայտատուների միջև կնքվում է համաձայնագիր, որի պահանջները պարտավոր են կատարել երկուստեք։

«Ստանդարտացման և չափագիտության ազգային մարմին» ՓԲ ընկերության Արտադրանքի և ծառայությունների սերտիֆիկացման մարմինը ԳՕՍՏ ԻՍՕ/ԻԷԿ 17065-2013 ստանդարտի պահանջներին համապատասխան 2025 թվականի հունիսի 20-ին վերահավատարմագրվել է Ազգային և Եվրասիական տնտեսական միության տեխնիկական կանոնակարգման հետևյալ ոլորտներով՝

ՄՄ ՏԿ 034/2013 «Մսի և մսամթերքի անվտանգության մասին»,

ԵԱՏՄ ՏԿ 051/2021 «Թռչնի մսի և դրա վերամշակումից ստացվող արտադրանքի անվտանգության մասին»,

ՄՄ ՏԿ 033/2013 «Կաթի և կաթնամթերքի անվտանգության մասին»,

ԵԱՏՄ ՏԿ 040/2016 «Ձկան և ձկնամթերքի անվտանգության մասին»,

ՄՄ ՏԿ 021/2011 «Սննդային արտադրանքի անվտանգության մասին» ,

ՄՄ ՏԿ 015/2011 «Հացահատիկի անվտանգության մասին»,

ՄՄ ՏԿ 023/2011« Մրգերից և բանջարեղենից ստացված հյութամթերքի տեխնիկական կանոնակարգ»,

ՄՄ ՏԿ 024/2011 «Ճարպայուղային արտադրանքի տեխնիկական կանոնակարգ» ,

ՄՄ ՏԿ 035/2014  «Ծխախոտային արտադրանքի տեխնիկական կանոնակարգ»,

ՄՄ ՏԿ 029/2012 «Սննդային հավելումների, բուրավետիչների և տեխնոլոգիական օժանդակ միջոցների անվտանգությանը ներկայացվող պահանջներ»,

ԵԱՏՄ ՏԿ 044/2017 «Փաթեթավորված խմելու ջրի մասին, ներառյալ՝ բնական հանքային ջուրը»,

ՄՄ ՏԿ 008/2011 «Խաղալիքների անվտանգության մասին»,

ՄՄ ՏԿ 030/2012 «Քսանյութերին, յուղերին և հատուկ հեղուկներին ներկայացվող պահանջների մասին»,

ՄՄ ՏԿ 013/2011 «Ավտոմոբիլային և ավիացիոն բենզինին, դիզելային և նավերի համար նախատեսված վառելիքին, ռեակտիվ շարժիչների համար նախատեսված վառելիքին և մազութին ներկայացվող պահանջների մասին»,

ՄՄ ՏԿ 009/2011 «Օծանելիքակոսմետիկական արտադրանքի անվտանգության մասին»,

ՄՄ ՏԿ 005/2011 «Փաթեթվածքի անվտանգության մասին»,

ԵԱՏՄ ՏԿ 036/2016 «Որպես վառելիք օգտագործելու համար նախատեսված հեղուկացված ածխաջրածնային գազերին ներկայացվող պահանջներ»,

ՄՄ ՏԿ 018/2011 «Անվավոր տրանսպորտային միջոցների անվտանգության մասին»։

ՀՀ կառավարության 2015 թվականի մարտի 5-ի «Ծխախոտի անվտանգության տեխնիկական կանոնակարգը հաստատելու և ՀՀ կառավարության 2005 թվականի ապրիլի 28-ի N 540-ն որոշումն ուժը կորցրած ճանաչելու մասին» N 219-Ն որոշում,

ՀՀ կառավարության 2022 թվականի փետրվարի 10-ի «Ծխախոտային արտադրատեսակների փոխարինիչների անվտանգության տեխնիկական կանոնակարգը հաստատելու մասին» N 155-Ն որոշում,

ՀՀ կառավարության 2023 թվականի հունիսի 8-ի Սինթետիկ հիմքով լաքերի և ներկերի տեխնիկական կանոնակարգը հաստատելու և ՀՀ կառավարության 2004 թվականի նոյեմբերի 18-ի 1647-ն որոշումն ուժը կորցրած ճանաչելու մասին N 916-Ն որոշում,

ՀՀ կառավարության 2004 թվականի դեկտեմբերի 16-ի Մակերևութաակտիվ միջոցների  և մակերևութաակտիվ նյութեր պարունակող լվացող ու մաքրող միջոցների տեխնիկական կանոնակարգը հաստատելու մասին N 1795-Ն որոշում,

ՀՀ կառավարության 2023 թվականի հունիսի 16-ի Կենցաղային և սանիտարահիգիենիկ նշանակության թղթե և քիմիական թելքերից ապրանքների անվտանգության մասին տեխնիկական կանոնակարգը հաստատելու և ՀՀ կառավարության 2006 թվականի հոկտեմբերի 19-ի N 1546-ն որոշումն ուժը կորցրած ճանաչելու մասին N957-Ն որոշում,

ՀՀ կառավարության 2005  թվականի ապրիլի 21-ի Քաղաքացիական և ծառայողական զենքի ու դրա փամփուշտների տեխնիկական կանոնակարգը հաստատելու մասին N 605-Ն որոշում:

Հավատարմագրման վկայական