ՍՏԱՆԴԱՐՏԱՑՄԱՆ ԵՎ ՉԱՓԱԳԻՏՈՒԹՅԱՆ ԱԶԳԱՅԻՆ ՄԱՐՄԻՆ

«ՍՏԱՆԴԱՐՏԱՑՄԱՆ ԵՎ ՉԱՓԱԳԻՏՈւԹՅԱՆ ԱԶԳԱՅԻՆ ՄԱՐՄԻՆ» ՓԲ ընկերությունը Հայաստանի Հանրապետության «Հավատարմագրման ազգային մարմին» ՊՈԱԿ-ի կողմից 2023թ. հունվարի 16-ին հավատարմագրվել է որպես ֆիզիկական անձանց սերտիֆիկացման մարմին:

Հավատարմագրման վկայագրի գործողությունն ուժի մեջ է մինչև 16.01.2026թ.:

Հավատարմագրման վկայագրի գրանցման համարն է № 004/A-005:

Սերտիֆիկացման աշխատանքների իրականացման համար ներկայացվող հայտերի ձևերը`

Տես Տեղեկատվություն «Ստանդարտացման և չափագիտության ազգային մարմին» ՓԲԸ Կառավարման համակարգերի, արտադրանքի սերտիֆիկացման մարմնի, փորձարկումների և տրամաչափարկման լաբորատորիաների գործունեության վերաբերյալ բողոքների և գանգատների կառավարման կարգի մասին

ՖԻԶԻԿԱԿԱՆ ԱՆՁԱՆՑ ՍԵՐՏԻՖԻԿԱՑՄԱՆ ՄԱՐՄԻՆ

Տեղեկություններ ֆիզիկական անձանց սերտիֆիկացման վերաբերյալ.

«ՍՏԱՆԴԱՐՏԱՑՄԱՆ ԵՎ ՉԱՓԱԳԻՏՈւԹՅԱՆ ԱԶԳԱՅԻՆ ՄԱՐՄԻՆ» ՓԲԸ ֆիզիկական անձանց սերտիֆիկացման մարմինը գործունեությունն իրականացնում է հետևյալ ոլորտներով (սերտիֆիկացման սխեմաները).

- Կառավարման համակարգերի սերտիֆիկացման աուդիտոր.

Որակի կառավարման համակարգեր,
Շրջակա միջավայրի կառավարման համակարգեր,
Սննդամթերքի անվտանգության կառավարման համակարգեր,
Աշխատողի առողջության և աշխատանքի անվտանգության կառավաման համակարգեր,

- Կազմակերպությունների կառավարման համակարգերի մենեջեր,

- Ներքին աուդիտոր,

- Արտադրանքի սերտիֆիկացման փորձագետ.

Փաթեթվածք,
Երեխաների և դեռահասների համար նախատեսված արտադրանք,
Խաղալիքներ,
Օծանելիքա-կոսմետիկական արտադրանք,
Ավտոմոբիլային և ավիացիոն բենզին, դիզելային և ծովային վառելիք, ռեակտիվի շարժիչի վառելիք և մազութ,
Հացահատիկ,
Անվավոր տրանսպորտային միջոցներ,
Սննդամթերք,
Մրգահատապտղային հյութեր,
Յուղաճարպային արտադրանք,
Քսանյութեր, յուղեր և հատուկ հեղուկներ,
Կաթ և կաթնամթերք,
Միս և մսամթերք,
Ծխախոտային արտադրանք,
Որպես վառելիք օգտագործելու համար նախատեսված հեղուկացված ածխաջրածնային գազեր,
Ձուկ և ձկնամթերք,
Փաթեթավորված խմելու ջուր, ներառյալ բնական հանքային ջուր,

-Ծառայությունների սերտիֆիկացման փորձագետ.

Հանրային սննդի ծառայություններ,
Շենքերի էներգաարդյունավետություն։

«Ստանդարտացման և չափագիտության ազգային մարմին» ՓԲ ընկերության ֆիզիկական անձանց սերտիֆիկացման մարմնի կողմից իրականացվում է.

հայտի նախնական վերլուծություն և հայտի վերաբերյալ որոշման ընդունում,
հայտատուին իրազեկության գնահատման քննության անցկացման օրվա և ժամի մասին տեղեկացում,
իրազեկության գնահատման քննության անցկացում /քննությունն անցկացվում է հայերեն լեզվով, 1 օրում/,
իրազեկության գնահատման քննության արդյունքների վերլուծություն և սերտիֆիկատի հանձնման մասին որոշման ընդունում,
սերտիֆիկատի ձևակերպում, գրանցում և հանձնում,
սերտիֆիկատի գրանցում «Ստանդարտացման և չափագիտության ազգային մարմին» ՓԲ ընկերության կողմից սերտիֆիկացված անձանց ռեեստրում,
գանգատների և բողոքների քննարկում,
հսկողության աշխատանքների իրականացում, եթե պահանջվում է սխեմայով,
վերասերտիֆիկացում:

Մեզ հետ համագործակցության առավելությունները.

1.«ՍՏԱՆԴԱՐՏԱՑՄԱՆ ԵՎ ՉԱՓԱԳԻՏՈւԹՅԱՆ ԱԶԳԱՅԻՆ ՄԱՐՄԻՆ» ՓԲ ընկերության ֆիզիկական անձանց սերտիֆիկացման մարմնում գործող որակի կառավարման համակարգը պարտավորեցնում է մշտապես բարելավել վարչարարությունը, օպտիմալացնել սպառողների սպասարկման ընթացակարգերը, տարածքում մնալու դեպքում սպառողների համար ստեղծել հարմարավետ պայմաններ և զարգացնել հարակից ծառայությունները:

2.Ֆիզիկական անձանց սերտիֆիկացման մարմնի ընդհանուր մտադրություններն ու գործունեությունը պաշտոնապես ձևակերպված են ղեկավարության կողմից որակի քաղաքականության հայտարարության մեջ:

3.Մենք ունենք ծառայությունների մատուցման ճկուն գնային քաղաքականություն և հստակ սահմանված ժամկետներ: Վճարումը կատարվում է ՀՀ գործող բանկերի կամ բանկային մասնաճյուղերի, ինչպես նաև «ՍՏԱՆԴԱՐՏԱՑՄԱՆ ԵՎ ՉԱՓԱԳԻՏՈւԹՅԱՆ ԱԶԳԱՅԻՆ ՄԱՐՄԻՆ» ՓԲ ընկերությունում տեղադրված վճարային տերմինալի* միջոցով՝ հիմք ընդունելով հարկային հաշիվը: Անհրաժեշտության դեպքում, հարկային հաշիվը կուղարկվի դիմումում նշված էլ. փոստի հասցեին:

* «ՀԱՅԲԻԶՆԵՍԲԱՆԿ» ՓԲԸ

Հ/Հ 1150012490810100

«ԿՈՆՎԵՐՍ ԲԱՆԿ» ՓԲԸ

Հ/Հ՝ 1930002706140200

4.Մեր ընկերությունը սպառողների հանդեպ ցուցաբերում է ուշադիր վերաբերմունք և անհատական մոտեցում: Մենք կարևորում ենք ոչ միայն մեր հեղինակությունը, այլ նաև մեր սպառողների հետ համագործակցությունը:

5.Հարցերի դեպքում զանգահարել՝ 010-23-26-00 (232, 233) հեռախոսահամարով, անհրաժեշտության դեպքում Ձեզ կտրամադրենք լրացուցիչ տեղեկություններ:

Մեր մասնագետները կպատասխանեն ծառայության վերաբերյալ Ձեզ հետաքրքրող ցանկացած հարցի հետադարձ կապի միջոցով: Մեզ համար կարևոր է Ձեր կարծիքը տրամադրած ծառայությունների և կայքի բովանդակության մասին: Մենք ցանկանում ենք Ձեզ հետ համագործակցությունը հնարավորինս հարմարավետ դարձնել:

Սերտիֆիկացված անձի առավելությունները.

Աշխատողների վերապատրաստման որակի, իրազեկության մակարդակի, մասնագիտական համապատասխանության անկախ գնահատում ստանալու հնարավորություն։
Մասնագիտական ստանդարտներին համապատասխանության ներկայացում:
Սերտիֆիկացված անձի իրազեկության մշտական մոնիթորինգ:
Դրական իմիջի ձևավորում:
Գործընկերներին իր որակավորման հուսալիությունը ներկայացնելու հնարավորություն:
Համաշխարհային տնտեսության ինտեգրացիոն գործընթացների շրջանակներում անձի որակավորման և իրազեկության ճանաչում:
Միջազգային աշխատաշուկաների պահանջների կատարում:
Աշխատաշուկայում մասնագետների պահանջարկի և «արժեքի» բարձրացում: