Արտադրանքի համապատասխանության գնահատումը կարող է լինել կամավոր կամ պարտադիր։ Արտադրանքի համապատաս­խանության կամավոր հավաստումն իրակա­նացվում է սերտիֆիկացման ձևով, իսկ համապատաս­խանության պարտադիր հավաստումը` համապատա­ս­­խանության հայտարարագրի վավերացման կամ սերտիֆիկացման ձևով։

«Ստանդարտացման և չափագիտության ազգային մարմին» ՓԲ ընկերությունը՝ որպես արտադրանքի սերտի­ֆ­ի­կաց­ման մարմին, հավատարմագրված է 1994 թվականից։ Վերջին անգամ հավատարմագր­վե­­­լ է 2021 թվականի մայիսի 27-ին, ուժի մեջ է մինչև 2025 թվականի մայիսի 27-ը։

«Ստանդարտացման և չափագիտության ազգային մարմին» ՓԲ ընկերությունն իր հավատարմագրման ոլորտի շրջանակներում իրականացնում է հետևյալ աշխատանքները`

- արտադրանքի սերտիֆիկացում,

- արտադրանքի համապատասխանության հայտարարագրի գրանցում,

- օտարերկրյա սերտիֆիկատների ճանաչում և վերաձևակերպում,

- ծառայությունների սերտիֆիկացում: 

Սերտիֆիկացման մարմինն իրականացնում է հետևյալ գործառույթները.

1. Իրականացնում է հավատարմագրման ոլորտում ընդգրկված  արտադրանքի սերտիֆիկացման  աշխատանքների կազմակերպում, սահմանված կարգով տալիս է համապատասխանության սերտիֆիկատ կամ հիմնավորված մերժման որոշում։
2. Գրանցում է հայտատուների կողմից ներկայացված արտադրանքի համապատասխանության  մասին հայտարարագրերը։
3. Համագործակցում է Հավատարմագրման Ազգային մարմնի, փորձարկման լաբորատորիաների,  սերտիֆիկացման մարմինների, արտադրողների (մատակարարների), պետական վերահսկողություն իրականացնող մարմինների, հասարակական կազմակերպությունների և սպառողների հետ։
4. Իրականացնում է արտադրանքի  օտարերկրյա համապատասխա­նության սերտիֆիկատների, փորձարկման արձանագրությունների վերլուծություն, ճանաչման մասին որոշման ընդունում և օտարերկրյա սերտիֆիկատների վերա­ձևակերպում սահմանված կարգով։
5. Իրականացնում է սերտիֆիկացված արտադրանքի համապատաս­խանության հսկողություն, եթե այն նախատեսված է համապատասխանության հավաստման սխեմայով։
6. Սահմանվածպահանջներին արտադրանքի անհամապատաս­խա­նության դեպքում կասեցնում կամ դադարեցնում է տրված սերտիֆիկատների գործողությունը, հսկում է ուղղիչ միջոցառումների կատարումը։
7. Իրականացնում է տրված սերտիֆիկատների և հայտարարագրերի գրանցամատյանների վարումը։
8. Սերտիֆիկացմանմարմնի կազմակերպամեթոդական և արտադրանքի համապատասխանության հավաստման փաստաթղթերի մշակում‚ ներդրում և արդիականացում։
9. Սերտիֆիկացման մարմնի հավատարմագրման ոլորտում ընդգրկված արտադրանքին վերաբերող պահանջները և փորձարկման  մեթոդները սահմանող նորմատիվ փաստաթղթերի վարում և արդիականացում։
10. Համալրում է անձնակազմը համապատասխան  մասնագետներով (փորձագետներով), կազմակերպում է  նրանց վերապատրաստման և որակավորման բարձրացման աշխատանքները։
11. Իրականացնում է ներքին աուդիտ։
12. Նորմատիվ փաստաթղթերի պահանջներին արտադրանքի անհամապատասխանության դեպքում  ներկայացնում է տեղեկատվություն պետական վերահսկողություն իրականացնող համապատասխան մարմիններին  սերտիֆիկատի մերժման վերաբերյալ` հիմնավորելով մերժման պատճառները։

Սերտիֆիկացման մարմնի կազմակերպական կառուցվածքը.

1.   Սերտիֆիկացման մարմնի կազմակերպական կառուցվածքը ներառում է.

-          սերտիֆիկացման մարմնի ղեկավար/ տնօրեն/ ,

-          տնօրենի տեղակալ,

-          արտադրանքի  և ծառայությունների սերտիֆիկացման բաժին,

-          փորձագետներ:

Սերտիֆիկացման մարմնի կազմակերպական կառուցվածքը բերված է Որակի ձեռնարկի/ SARM QM 8.2-2020/  1 հավելվածում։

2.     Սերտիֆիկացման մարմնի ղեկավարի գործառույթներն են.

2.1 Սերտիֆիկացման մարմնի ղեկավարը իրականացնում է  մարմնի ղեկավարումը  և  օպերատիվ  գործունեության  կարգավորումը, որի հրամաններն ու կարգադրությունները պարտադիր են մարմնի ողջ անձնակազմի համար։

2.2 Սերտիֆիկացման մարմնի ղեկավարը որոշում է քաղաքականությունն արտադրանքի համապատասխանության հավաստման ոլորտում և իրականացնում դրա  հսկողությունը, կայացնում է սերտիֆիկացման մասին որոշում ։

3.   Կառավարման խորհրդի գործառույթները սահմանված են ՀՀ ստանդարտացման մասին օրենքով:

4.    Սերտիֆիկացման բաժինների գործառույթներն են.

4.1 Սերտիֆիկացման և հայտարարագրման հայտերի ընդունում և հայտին կից ներկայացված փաստաթղթերի վերլուծություն։

4.2 Փորձարկման համար արտադրանքի նմուշառում և նույնականացում։

4.3 Փորձարկման լաբորատորիայի ընտրություն և սերտիֆիկացման փորձարկումների անցկացման կազմակերպում։

4.4 Սերտիֆիկացված արտադրանքի արտադրության  վիճակի վերլուծություն։

4.5Արտադրանքի համապատասխանության գնահատում և  համապատաս-խանության սերտիֆիկատի տրման (կամ մերժման) մասին որոշման պատրաստում և ձևակերպում։

4.6 Սերտիֆիկացված արտադրանքի համապատասխանության հսկողության  կազմակերպում և իրականացում։

4.7 Համապատասխանության հավաստման գործընթացում օգտագործվող ՆՓ ֆոնդի ձևավորում և արդիականացում։

4.8 Մասնակցություն սերտիֆիկացման մարմնի գործառույթները կանոնա-կարգող  կազմակեր­պա­մեթոդական փաստաթղթերի մշակմանը։

4.9 Համապատասխանության հավաստման գործընթացում օգտագործվող ձևաթղթերի մշակում, արդիականացում և վարում։

4.10 Տեխնիկական կանոնակարգերով սահմանված, համապատասխանության հավաստման ենթակա արտադրանքի ցանկերի մշակում, արդիականացում և վարում։

4.11 Համագործակցություն ստանդարտացման տեխնիկական հանձնաժողովի, պետական վերահսկողություն իրականացնող մարմինների և հասարակական կազմակերպությունների հետ։

4.12 Համապատասխանության հավաստման բնագավառի վերաբերյալ օրենսդրական և իրավական ակտերի, Ազգային Մարմնի հրամանների, կարգադրությունների, համապատասխանության հավաստման ենթակա արտադրանքի ցանկի, սերտիֆիկացման մարմնի հավատարմագրված ոլորտի վարում, արդիականացում և սահամնված կարգով սերտիֆիկացման մարմնի ստորաբաժանումներին և շահագրգիռ կողմերին անհրաժեշտ տեղեկատվության տրամադրում։ 

4.13 Սերտի‎ֆիկացման մարմնի փորձագետների մասին տվյալներն ամրագրված են «Հավելված ABC-01-01-07 Համապատասխանության  գնահատման մարմնի անձնակազմը»  ձևաչափում:

5. Սերտիֆիկատների ձևակերպման և գրանցման սպասարկման աշխատակիցների գործառույթներն են.

5.1 Համապատասխանության սերտիֆիկատների և հայտարարագրերի ձևակերպում, գրանցում և հանձնում սերտիֆիկացման բաժիններին։

5.2 Համապատասխանության սերտիֆիկատների և հայտարարագրերի գրանցամատյանների վարում։

5.3 Համապատասխանության սերտիֆիկատների և հայտարարագրերի բլանկների ստացում, պահպանում և օգտագործված բլանկների համար հաշվետվության ներկայացում` ըստ սահմանված կարգի։

5.4Համապատասխանության սերտիֆիկատների տրման և հայտարարա­գրերի վավերացման ու գրանցման հիմք հանդիսացող փաստաթղթերի փաթեթի պահպանում և սահմանված կարգով հանձնում արխիվ։

Համապատասխանության հավաստման աշխատանքների իրականացման համար ներկայացվող հայտերի ձևերը`

• Հայտ արտադրանքի սերտիֆիկացման
• Հայտ համապատասխանության հայտարարագրի գրանցման
• Հայտ օտարերկրյա սերտիֆիկատի ճանաչման

Տես  Տեղեկատվություն     «Ստանդարտացման և չափագիտության ազգային մարմին» ՓԲԸ Կառավարման համակարգերի, արտադրանքի սերտիֆիկացման մարմնի, փորձարկումների և տրամաչափարկման լաբորատորիաների գործունեության վերաբերյալ  բողոքների և գանգատների կառավարման կարգի մասին

«Ստանդարտացման և չափագիտության ազգային մարմին» ՓԲ ընկերության Արտադրանքի և ծառայությունների սերտիֆիկացման մարմինը ԳՕՍՏ ԻՍՕ/ԻԷԿ 17065-2013 ստանդարտի պահանջներին համապատասխան 2025 թվականի հունիսի 20-ին վերահավատարմագրվել է Ազգային և Եվրասիական տնտեսական միության տեխնիկական կանոնակարգման հետևյալ ոլորտներով՝

ՄՄ ՏԿ 034/2013 «Մսի և մսամթերքի անվտանգության մասին»,

ԵԱՏՄ ՏԿ 051/2021 «Թռչնի մսի և դրա վերամշակումից ստացվող արտադրանքի անվտանգության մասին»,

ՄՄ ՏԿ 033/2013 «Կաթի և կաթնամթերքի անվտանգության մասին»,

ԵԱՏՄ ՏԿ 040/2016 «Ձկան և ձկնամթերքի անվտանգության մասին»,

ՄՄ ՏԿ 021/2011 «Սննդային արտադրանքի անվտանգության մասին» ,

ՄՄ ՏԿ 015/2011 «Հացահատիկի անվտանգության մասին»,

ՄՄ ՏԿ 023/2011« Մրգերից և բանջարեղենից ստացված հյութամթերքի տեխնիկական կանոնակարգ»,

ՄՄ ՏԿ 024/2011 «Ճարպայուղային արտադրանքի տեխնիկական կանոնակարգ» ,

ՄՄ ՏԿ 035/2014  «Ծխախոտային արտադրանքի տեխնիկական կանոնակարգ»,

ՄՄ ՏԿ 029/2012 «Սննդային հավելումների, բուրավետիչների և տեխնոլոգիական օժանդակ միջոցների անվտանգությանը ներկայացվող պահանջներ»,

ԵԱՏՄ ՏԿ 044/2017 «Փաթեթավորված խմելու ջրի մասին, ներառյալ՝ բնական հանքային ջուրը»,

ՄՄ ՏԿ 008/2011 «Խաղալիքների անվտանգության մասին»,

ՄՄ ՏԿ 030/2012 «Քսանյութերին, յուղերին և հատուկ հեղուկներին ներկայացվող պահանջների մասին»,

ՄՄ ՏԿ 013/2011 «Ավտոմոբիլային և ավիացիոն բենզինին, դիզելային և նավերի համար նախատեսված վառելիքին, ռեակտիվ շարժիչների համար նախատեսված վառելիքին և մազութին ներկայացվող պահանջների մասին»,

ՄՄ ՏԿ 009/2011 «Օծանելիքակոսմետիկական արտադրանքի անվտանգության մասին»,

ՄՄ ՏԿ 005/2011 «Փաթեթվածքի անվտանգության մասին»,

ԵԱՏՄ ՏԿ 036/2016 «Որպես վառելիք օգտագործելու համար նախատեսված հեղուկացված ածխաջրածնային գազերին ներկայացվող պահանջներ»,

ՄՄ ՏԿ 018/2011 «Անվավոր տրանսպորտային միջոցների անվտանգության մասին»։

ՀՀ կառավարության 2015 թվականի մարտի 5-ի «Ծխախոտի անվտանգության տեխնիկական կանոնակարգը հաստատելու և ՀՀ կառավարության 2005 թվականի ապրիլի 28-ի N 540-ն որոշումն ուժը կորցրած ճանաչելու մասին» N 219-Ն որոշում,

ՀՀ կառավարության 2022 թվականի փետրվարի 10-ի «Ծխախոտային արտադրատեսակների փոխարինիչների անվտանգության տեխնիկական կանոնակարգը հաստատելու մասին» N 155-Ն որոշում,

ՀՀ կառավարության 2023 թվականի հունիսի 8-ի Սինթետիկ հիմքով լաքերի և ներկերի տեխնիկական կանոնակարգը հաստատելու և ՀՀ կառավարության 2004 թվականի նոյեմբերի 18-ի 1647-ն որոշումն ուժը կորցրած ճանաչելու մասին N 916-Ն որոշում,

ՀՀ կառավարության 2004 թվականի դեկտեմբերի 16-ի Մակերևութաակտիվ միջոցների  և մակերևութաակտիվ նյութեր պարունակող լվացող ու մաքրող միջոցների տեխնիկական կանոնակարգը հաստատելու մասին N 1795-Ն որոշում,

ՀՀ կառավարության 2023 թվականի հունիսի 16-ի Կենցաղային և սանիտարահիգիենիկ նշանակության թղթե և քիմիական թելքերից ապրանքների անվտանգության մասին տեխնիկական կանոնակարգը հաստատելու և ՀՀ կառավարության 2006 թվականի հոկտեմբերի 19-ի N 1546-ն որոշումն ուժը կորցրած ճանաչելու մասին N957-Ն որոշում,

ՀՀ կառավարության 2005  թվականի ապրիլի 21-ի Քաղաքացիական և ծառայողական զենքի ու դրա փամփուշտների տեխնիկական կանոնակարգը հաստատելու մասին N 605-Ն որոշում:

Հավատարմագրման վկայական