2020 թվականի դեկտեմբերի 9-ին վիդեոկոնֆերանսի ձևաչափով կայացավ ԵԱՏՄ անդամ երկրների ստանդարտացման ազգային մարմինների ղեկավարների նիստը, որին մասնակցում էին Հայաստանի, Բելառուսի, Ղազախստանի, Ղրղզստանի Հանրապետությունների, Ռուսաստանի Դաշնության ազգային մարմինների ղեկավարները: 

Նիստի ընթացքում ստորագրվեց Համաձայնագիր «ԵԱՏՄ անդամ պետությունների ստանդարտացման ազգային ինստիտուտների համատեղ գործունեության մասին»:

Համաձայն ստորագրված փաստաթղթի` կողմերը նախատեսում են վարել համաձայնեցված քաղաքականություն հետևյալ ուղղություններում՝

• Միջպետական ստանդարտների մշակման համատեղ պլանավորում,
• ԵԱՏՄ տեխնիկական կանոնակարգման ոլորտում համալիր տեղեկատվական ապահովման համակարգի զարգացում,
• Միջպետական ստանդարտների պաշտոնական հրապարակում և դրանց տարածում,
• Ստանդարտացման ոլորտում մասնագետների որակավորման բարձրացման և վերապատրաստման ծրագրերի համակարգում,
• Ստանդարտացման ոլորտում միջազգային համագործակցություն։