2023թ. հունիսի 7-ին  «Ստանդարտացման և չափագիտության ազգային մարմին» ՓԲ ընկերության աշխատակիցները մասնակցեցին ՀՀ Էկոնոմիկայի նախարարության կազմակերպած  Սննդամթերքի անվտանգության համաշխարհային օրվան նվիրված «Սննդամթերքի ստանդարտները կյանքեր են փրկում» համաժողովին։

 Բացման խոսքով հանդես  եկավ նախարարի տեղակալ Աշխեն Շիրվանյանը և նշեց, որ ինչպես ամբողջ աշխարհում, այնպես էլ Հայաստանի Հանրապետությունում, սննդամթերքի անվտանգության ապահովումն առաջնային խնդիրներից մեկն է, և ՀՀ Էկոնոմիկայի նախարարությունը, հանդիսանալով տվյալ ոլորտում քաղաքականություն մշակող լիազոր մարմին, մշտապես քայլեր է ձեռնարկում ոլորտի զարգացման ու կատարելագործման ուղղությամբ։

 Նախարարության կողմից ոլորտում իրականացվող նախաձեռնությունների թվում Աշխեն Շիրվանյանը հատկապես կարևորեց վերջերս ՀՀ Կառավարության կողմից հաստատված Հայաստանի Հանրապետության սննդամթերքի անվտանգության համակարգի զարգացման ռազմավարությունը, որը ներառում է մի շարք միջոցառումներ տարբեր ուղղություններով, այդ թվում՝ օրենսդրական բարեփոխումներ, ռիսկերի գնահատում,  լաբորատոր կարողությունների հզորացում, ինչպես նաև մասնագետների վերապատրաստում և ուսուցում։ 

«Ստանդարտացման և չափագիտության ազգային մարմին» ՓԲ ընկերության աշխատակիցները մասնակցեցին

Ստանդարտներ և անվտանգ սնունդ թեմայով Պանելային քննարկմանը, որի շրջանակներում զեկույցով հանդես եկավ ընկերության Կառավարման համակարգի   սերտիֆիկացման բաժնի պետ Սեդա Պապյանը։

Համաժողովի վերջում «Ստանդարտացման և չափագիտության ազգային մարմին» ՓԲ ընկերության մի շարք աշխատակիցների հանձնվեցին շնորհակալագրեր՝ Սննդամթերքի անվտանգության ոլորտի զարգացման գործում ներդրված ավանդի համար։