Նորություններ
Կայացավ «ՄԻՐՏԵԿ» բազմաոլորտային և բազմատեխնոլոգիական կենտրոնի աշխատակազմի ճանաչողական այց
25/02/2025 Նորություններ
Սույն թվականի փետրվարի 20-ին ՍՉԱՄ տրամաչափարկման և փորձարկման լաբորատորիաներում տեղի ունեցավ Հունաստանի Հանրապետության Զարգացման նախարարության համակարգման ներքո գործող «ՄԻՐՏԵԿ» բազմաոլորտային և բազմատեխնոլոգիական կենտրոնի աշխատակազմի ճանաչողական այց՝ կազմակերպության փոխնախագահ և գործադիր տնօրեն պարոն Սկիպիոն Ապոստոլակիսի գլխավորությամբ։
Այցելությունն իրականացվեց ս․թ․ փետրվարի 19-21-ը Շուկայի վերահսկողության տեսչական մարմնի՝ փորձի փոխանակման ու համագործակցության շրջանակը ընդլայնելու նպատակով նախաձեռնած եռօրյա աշխատանքային-ուսումնական միջոցառման շրջանակներում, որին մասնակցում էին նաև ոլորտային մի շարք գերատեսչությունների` Էկոնոմիկայի նախարարության, Շրջակա միջավայրի նախարարության, Բնապահպանության և ընդերքի տեսչական մարմնի, Ազգային հավատարմագրման մարմնի ներկայացուցիչներ և այլ փորձագետներ։
