Յուրաքանչյուր տարի հոկտեմբերի 14-ին նշվում է Ստանդարտների համաշխարհային օրը՝ որպես հարգանք միջազգային ստանդարտներ մշակող աշխարհի հազարավոր փորձագետների համատեղ ջանքերին:

2020 թվականին կարգախոսն է՝ <<Պաշտպանել մոլորակը ստանդարտների միջոցով>>:

Երկիր մոլորակի վրա կյանքը կախված է արևի էներգիայից: Սակայն,  ժամանակակից քաղաքակրթության մարդկային և լայնածավալ արդյունաբերական գործունեությունը բացասաբար են ազդում երկիր մոլորակի կլիմայի և դրա հետ միասին կյանքի բոլոր ձևերի և ոլորտների վրա: Միևնույն ժամանակ, բնակչության արագ աճը և ուրբանիզացիայի մակարդակի բարձրացումը պահանջում են սահմանափակ ռեսուրսների պատասխանատու օգտագործում:

Մեր մոլորակի վրա մարդու ազդեցությունը նվազեցնելու համար մեզ պետք են քաղաքական կամք, կոնկրետ գործողություններ և ճիշտ գործիքակազմ: Նման գործիքներից մեկը միջազգային ստանդարտներն են:

Միջազգային կազմակերպությունների (ԻԷԿ, ԻՍՕ և ԻՏՈՒ) կողմից մշակվող միջազգային ստանդարտները հաշվի են առնում տեխնիկական մարտահրավերների կանխարգելման փորձված և իրական լուծումները: Դրանք օգնում են, ընդհանուր առմամբ, կիսել միջազգային փորձը զարգացած և զարգացող երկրներում: Ստանդարտները ներառում են էներգախնայողության, ջրի և օդի որակի բոլոր ասպեկտները, ինչպես նաև սահմանում են ստանդարտացման և չափման մեթոդներ: Դրանց լայն կիրառումը նպաստում է շրջակա միջավայրի վրա արդյունաբերական արտադրության ազդեցության նվազեցմանը, սահմանափակ ռեսուրսների վերաօգտագործմանը և էներգախնայողության բարելավմանը: