Ստանդարտների կատալոգ
| ՀՍՏ ԻՍՕ 10467-2018 | |||||||
| Վերնագիր | Պլաստիկ խողովակաշարեր ճնշումային և ոչ ճնշումային կոյուղու և ջրահեռացման համար. Ապակե մանրաթելով ամրանավորված ջերմառեակտիվ պլաստիկներ (GRP) չհագեցած բազմաեթերի խեժի (UP) հիմքով | Նկարագրություն | Սույն ստանդարտով սահմանվում են չհագեցած բազմաեթերի խեժի հիմքով ապակե մանրաթելով ամրանավորված ջերմառեակտիվ պլաստիկ խողովակաշարերի բաղկացուցիչ մասերի հատկությունները: Ստանդարտը համապատասխանում է ճնշումային և ոչ ճնշումային ջրահեռացման և կոյուղու բոլոր տեսակներին: Սույն ստանդարտը կիրառելի է ճկուն կամ կոշտ միացքներով առանցքային ուղղությամբ ծայրային կրող հատկությամբ կամ առանց դրա, ապակե մանրաթելով ամրանավորված խողովակաշարերի համար, որոնք հիմնականում նախատեսված են ստորգետնյա կոնստրուկցիաներում կիրառման համար: ԾԱՆՈԹՈՒԹՅՈՒՆ 1. Սույն փաստաթղթի կիրառման համար բազմաեթերի խեժ տերմինը ներառում է նաև վինիլային եթերի խեժը: ԾԱՆՈԹՈՒԹՅՈՒՆ 2. Սույն փաստաթղթին համապատասխանող խողովակաշարերը կարող են օգտագործվել նաև վերգետնյա խողովակաշարերի կիրառման համար, այն դեպքում, երբ շրջակա միջավայրի ազդեցությունը և հիմքերի տեղակայումը հաշվի են առնված խողովակների, կցամասերի և միացքների նախագծման մեջ: ԾԱՆՈԹՈՒԹՅՈՒՆ 3. Սույն փաստաթուղթը կարող է կիրառվել նաև այլ կայանքների համար, ինչպես օրինակ` ճկուն բազմաեթերային խողովակներ օգտագործող ջրահեռացման խողովակաշարերի երեսպատման վերականգնման ժամանակ: ԾԱՆՈԹՈՒԹՅՈՒՆ 4. Սույն փաստաթուղթը վկայակոչված է նաև ԻՍՕ 25780-ում, որը սահմանում է ներմղվող (jacking) կայանքների համար կիրառվող ջերմառեակտիվ պլաստիկ (GRP) խողովակաշարերին ներկայացվող պահանջները: Սույն փաստաթուղթը վկայակոչող խողովակների ջերմաստատիկ ճնշման նախագծմանը ներկայացվող պահանջները համապատասխանում են ԻՍՕ/ՏՍ 20656-1-ում ներկայացված պահանջներին և ԻՍՕ 2394-ում և ԵՆ 1990-ում նկարագրված կառուցվածքների հուսալիության ընդհանուր դրույթներին: Սույն միջազգային ստանդարտները ներկայացնում են նախագծման մեթոդների ներդաշնակեցման գործընթացները և ուշադրություն հրավիրում թերությունների հավանականության, ինչպես նաև թերությունների հնարավոր հետևանքների վրա: Նախագծման մեթոդները հիմնված են ամրության պաշարի գործակցի հայեցակարգի, ինչպես նաև ռիսկի կառավարման նախագծման վրա: Սույն փաստաթուղթը կիրառելի է 50 մմ-ից 4000 մմ անվանական տրամաչափով խողովակների, կցամասերի և դրանց միացքների համար, որոնք նախատեսված են կիրառել: Խողովակաշարային համակարգում տարբեր անվանական ճնշման և կոշտության շարքի խողովակները և կցամասերը կարող են կիրառվել միասին: Կետ 4-ում սահմանված են չհագեցած բազմաեթերի խեժի հիմքով ջերմառեակտիվ պլաստիկների խողովակային համակարգերի ընդհանուր ասպեկտները, որոնք նախատեսված են կիրառել ճնշման տակ կամ առանց ճնշման ջրահեռացման և կոյուղու ոլորտում: Կետ 5-ում սահմանված են հավելումով կամ առանց դրա, և/կամ լցանյութերով, չհագեցած բազմաեթերի խեժի հիմքով ջերմառեակտիվ պլաստիկից պատրաստված խողովակների բնութագրերը: Խողովակները կարող են ունենալ ջերմապլաստիկ կամ ջերմառեակտիվ ռետինե միջադիր: Կետ 5-ում սահմանված են նաև սույն փաստաթղթում վկայակոչված փորձարկման մեթոդների փորձարկման պարամետրերը: Կետ 6-ում սահմանված են չհագեցած բազմաեթերի խեժի հիմքով ապակե մանրաթելով ամրանավորված ջերմառեակտիվ պլաստիկից պատրաստված, ջերմապլաստիկ կամ ջերմառեակտիվ ռետինե միջադիրով կամ առանց դրա կցամասերի բնութագրերը, որոնք նախատեսված են կիրառել ջրահեռացման և կոյուղու ոլորտում: Կետ 6-ում սահմանված են արմունկների, եռաբաշխիկների, հարմարակների, փողալայնուկայ-կցաշուրթավոր կցորդիչների և կցաշուրթավոր հարմարակների չափերին և աշխատանքային բնութագրերին ներկայացվող պահանջները: Կետ 6-ն ընդգրկում է կցամասերի կառուցվածքային նախագծի հաստատմանը ներկայացվող պահանջները: Այն կիրառելի է այն կցամասերի համար, որոնք պատրաստված են, կիրառելով հետևյալ տեխնոլոգիաներից որևէ մեկը. - պատրաստում ուղիղ գծով խողովակներից, - կաղապարման միջոցով 1) շղթայի շիկացման փաթույթով, 2) ժապավենաձգի, 3) հպումային կաղապարման, և 4) տաք կամ սառը սեղմմամբ կաղապարման: Կետ 7-ը կիրառելի է և ստորգետնյա և վերգետնյա մակերևութային ջրամատակարարման և կոյուղու համար կիրառվող չհագեցած բազմաեթերի խեժի հիմքով ապակե մանրաթելով ամրանավորված ջերմառեակտիվ պլաստիկից պատրաստված խողովակային համակարգում կիրառվող միացքների համար: Այն ընդգրկում է միացքների նախագծի հիմնավորմանը ներկայացվող պահանջները: Կետ 7-ը սահմանում է տեսակի փորձարկման իրականացման պահանջները հետևյալ միացքների համար, որպես խողովակաշարի կամ համակարգի հայտարարված անվանական ճնշման արժեքի գործառույթ. ա) կցորդչի (օղագոտի) և խողովակների փողալայնակների միացումների ներքին էլեմենտի (ներառյալ կրկնակի կցորդչի) միացքները կամ մեխանիկական միացքները, բ) միակցված կցորդչի (օղագոտի) և խողովակների փողալայնակների միացումների ներքին էլեմենտի միացքները, գ) ցեմենտանյութով ամրացված կամ փաթաթելու միջոցով միացքները, դ) հեղույսային կցաշուրթային միացքները: | ||||
| Կարգավիճակը | Գործող | ||||||
| Ընդունված է ՀՀ | "Ստանդարտների ազգային ինստիտուտ" ՓԲԸ 2004 | ||||||
| № | 22-Լ | ||||||
| ՀՀ ընդունելու ամսաթիվ | 2019-02-25 | ||||||
| Գործարկման թվականը | 2020-01-01 | ||||||
| Մշակողը և հասցեն | |||||||
| Կատեգորիա | ՀՍՏ ԻՍՕ | ||||||
| Դասակարգում |
93.030 ՔԱՂԱՔԱՑԻԱԿԱՆ ՇԻՆԱՐԱՐՈւԹՅՈւՆ Արտաքին կոյուղավորման համակարգեր |
||||||
| Դասակարգում |
91.140.80 ՇԻՆԱՆՅՈւԹԵՐ ԵՎ ՇԻՆԱՐԱՐՈւԹՅՈւՆ Կայանքներ շենքերում Ցամաքուրդային համակարգեր |
||||||
| Դասակարգում |
23.040.20 ԸՆԴՀԱՆՈւՐ ՆՇԱՆԱԿՄԱՆ ՀԻԴՐԱՎԼԻԿԱԿԱՆ ԵՎ ՕԴԱՃՆՇԱԿԱՆ ՀԱՄԱԿԱՐԳԵՐ ԵՎ ԲԱՂԿԱՑՈւՑԻՉ ՄԱՍԵՐ Խողովակաշարեր և դրանց բաղկացուցիչ մասեր Խողովակներ պլաստմասսայե |
||||||
| Վկայակոչումներ |
"-" = Ոչ ստանդարտ հղումներ
|
||||||
| Գրանցման ամսաթիվը | 2019-03-05 | ||||||
| Գրանցման № | 1455-2019 | ||||||
| Էջերի քանակը | |||||||
| Տեղեկատվության աղբյուր | Տեղեկատու №1-2019 | ||||||
| Բնագրի լեզուն | Հայերեն | ||||||
| Թարգմանված է | |||||||
| Հանգուցային բառեր | |||||||
| Փոփոխությունները ՆՓ-ի | Չի փոփոխվել | ||||||
| Արժեքը ՀՀ դրամով (ներառյալ ԱԱՀ) | 44500 | ||||||
