CIPM MRA-ին մասնակցությունը նոր հնարավորություններ է ստեղծում «Ստանդարտացման և չափագիտության ազգային մարմին» ՓԲԸ-ի համար՝ միջազգային գիտական համեմատություններին մասնակցելու, ստուգաչափման և չափումների կարողությունները (CMC) զարգացնելու և դրանց միջազգային ճանաչման ուղղությամբ աշխատանքների իրականացման, ինչպես նաև Հայաստանի ազգային չափագիտական համակարգը միջազգային չափագիտական ենթակառուցվածքին առավել սերտորեն ինտեգրելու համար։

Կշիռների և չափումների միջազգային բյուրոն նաև ընդգծել է COOMET-ի շրջանակում ակտիվ մասնակցության կարևորությունը, որը հնարավորություն կտա զարգացնել մասնագիտական կարողությունները, մասնակցել միջազգային և տարածաշրջանային համեմատություններին և նախապատրաստել ստուգաչափման և չափումների կարողությունների հետագա ներկայացման գործընթացը։

«Ստանդարտացման և չափագիտության ազգային մարմին» ՓԲԸ-ն շնորհակալություն է հայտնում BIPM-ին և միջազգային չափագիտական հանրությանը՝ համագործակցության և աջակցության համար և շարունակելու է ակտիվ մասնակցությունը միջազգային և տարածաշրջանային չափագիտական համագործակցությանը։