2026 թվականի սեպտեմբերի 28-ից հոկտեմբերի 2-ը Փարիզում տեղի ունեցավ Ստանդարտացման միջազգային կազմակերպության (ԻՍՕ) ամենամյա վեհաժողովը, որին մասնակցեցին կազմակերպության 170-ից ավելի անդամ երկրների ներկայացուցիչներ։

Վեհաժողովին մասնակցեց նաև Ստանդարտացման և չափագիտության ազգային մարմնի պատվիրակությունը՝ տնօրենի պաշտոնակատար Հայկ Զեյնալյանի գլխավորությամբ։

Օրակարգային ռազմավարական և ֆինանսական հաշվետվությունների քննարկմանը զուգահեռ անցկացվեցին՝

• զարգացող երկրների հարցերով ԻՍՕ հանձնաժողովի 60-րդ նիստը,
• ԻՍՕ խորհրդի 2-րդ, 3-րդ և 4-րդ խմբերի կազմում ընդգրկվելու համար նոր թեկնածու երկրների քվեարկությունը,
• անդամ երկրների ստանդարտացման գործընթացներում թվային հարթակների և արհեստական բանականության կիրառման հնարավորություններին նվիրված պանելային քննարկումներ,
• ստանդարտացման տարածաշրջանային երկրների առանձին խմբերի ֆորումներ։

ԻՍՕ շաբաթվա առանցքային թեման էր վստահության ամրապնդումը փոփոխվող աշխարհում։ Այն հստակ արտացոլվեց Գլխավոր ասամբլեայում՝ Փարիզյան հայտարարության ընդունմամբ։ Փաստաթուղթը վերահաստատում է ԻՍՕ-ի հանձնառությունը կլիմայական պայմաններին հարմարվելու, էկոհամակարգերի կայունության և բնության պահպանման հարցում։

Հայտարարությունը նաև սահմանում է, թե ինչպես կարող են միջազգային ստանդարտները այդ հանձնառությունը վերածել գործնական քայլերի։ Վստահելի ստանդարտների միջոցով միավորելով գիտական ներուժն ու մարդկային փորձառությունը՝ համայնքներին, բիզնեսին և քաղաքականություն մշակողներին տալիով փոփոխություններին արձագանքելու միասնական ուղի։